Gagauz radiosu

Vikipediya saydından
Gezinti kısmına atla Arama kısmına atla

Gagauz radiosu (Gagauziya radiosu) — dünneedä seftä hem yalnız gagauz dilindä radio.

İlk radio[diiştir | kaynağı değiştir]

Gagauz Radiosu 1991 yılda, baba marta (mart) ayinda kuruldu. Bu zamannar Gagauz Respublikası bildirildi. Halka haberläri etiştirmek için, avtonomiyanın merkezindä radio kurmak için initiator olarak çiktılar Gagauzların liderleri M.Maruneviç, Dionis Tanasoglu. Haliz onnar ikisi ilk programları gagauz dilindä seslendirdilär. Böläydi ilk adımnar yapılan Gagauz Radionun gelişmesi için. Yaşayannar sevinmeliklen karşıladılar bu enilii, ama 1994 yılda finans yoksuzluun beterinä Gagauz Radiosu kapandı, nedän sora Moldova devletin rayon radio kategoriyasına geçirildi.

İkinci soluk[diiştir | kaynağı değiştir]

2000-ci yılda TİKA (Türk İşbirlii Kalkınma İdaresi Başkannıı) yardımınnan Gagauz Radiosu enidän kuruldu. Büünkü Gagauz Radiosunda programların 50 prozenti, gagauz dilindä yayınnanêrlar, 25 prozenti - TRT FM, kalan 25 prozenti rus dili, romın dillerindä. Avtonomiya yaşayannarın var kolayları raat seslesinnär: haber, (cannı) muzıka, "Ana tarafım", "Gagauz sesi", "Ana dilim" programnarını. Bundan başka her gün birär saatlık dinnenmek kultura "Gagauz dalgasında" programa cannı olarak çıkêr. Eni kurulan radio oldu Gagauzların payı, yardımcisı, haber kaynaa. Gagauz Radiosu hızlı templan büümää başladı, programalar taa zengin, dolu hem meraklı oldular. Yayın sabah 7:00-dän başlêr kesintisiz 24:00-dan gagauz yayınnarı geler.

Büün[diiştir | kaynağı değiştir]

Radio işçileri hazırlayarak üüsek kaliteli programaları, aktual konularda cannı yayınnarı, seslettireräk gözäl halk, estrada havaları çektirdilär insanı. Büün radio sesleycilär raat, kolay lafederlar, ana dilindä istediklerini sölerlar baalanıp cannı yayın programnarına.Bölä bir duruma etişmişkän radio personalin dooru, faydalı işi belliediler hem önemli nietlerin birisi tamannanmış olêr. Radiocular bu hala etişmşkan durgunmêrlar eni programnarı hazırlêrlar. 2005 yılın, harman ayindan pazarlar günnerindä başladı yayına çikmaa (cannı) iki saatlık "Hadi bakalım" programı. Avtor programlarından kaarä kalanı hepsi cannı olarak çıkêrlar.

Hem bak[diiştir | kaynağı değiştir]