Ekaterina Jekova
Ekaterina Födorovna Jekova — Gagauz Yerinin radio hem televideniye işlerinä bakan Komitetın kararınnan, konkurs temelinä görä, Gagauz yeri Radio hem Televideniyası (GRT) başı seçildi.
Kendisi Valkaneş rayonun Çöşmä küüyündä 1971-ci yılda dünneya geldi. Ana küüyündä orta şkolayı başarıp, Kişinöv İncäzanaat İnstitutunda aktör fakultetında üürendi.
1993-ci yılda Komrat Devlet Universitetindä (KDU), teatru zanaatlarında pedagog olarak, çalışmaa başladı. 1995-tä Komrat Devlet Universitetinin “İncäzanaat hem kultura kafedrasının” başı oldu.
Pedagogika zanaatını brakmadaan, ikibuçuk yıl Gagauziya kultura upravleniyasında teatru zanaatların speţialisti olarak işledi. Komrat regional sport liţeyindä direktor yardımcısı çalıştı.
Gagauz yeri İspolkomunun kararına görä, 2007-ci yılın Büük ayın (yanvar) 25-dän GRT başı olarak çalışêr. Evli. İki uşak anası.