Türk dilleri

Vikipediya saydından
Git hem: kullan, ara

Türk dilleri — Günduusu Evropadan Sibir hem Kitayın günbatısına kadar uzanan bir territoriyada laf edilän diller. Bu dillerdä 180 million insan ana dili olarak, taa 20 million insan ikinci dil olarak laf ederlär. Birbirlerilän çok yakın hısım sayılan hem 40 farklı yazı dilinä bölünen bir dil gruppası. Türk dilleri Altay dilleri aylesinä girer. En çok konuşulan Türk dili, Türkiye türkçäsi.

Türk dillerini übür dil aylelerinän farklı yapêr o maasusluk ani laf edennär uzun zaman yaşamaları devam etti göçebe olarak, dä bu üzden bu diller hep birbirlerinnän etkilendi. Türk dillerinin çok sayıda aynı maanada kullanılan ortak lafları bulunêr hem cümle strukturaları da hep benzeer. Onuştan var bir başka versiya (maasus Türkiyädä) angısı savunêr ani türk dilleri diil bir dil aylesi, dä tek bir dilin dialektleri. Bu görüş pek beenilmeer übür türk dili laf edän padişaalıklar içindä. Türk dialektleri, Şindiki türk yazı dilleri yaki Türk dilin kolları olarak adlar peydalanêr hep o sebeptän.

Bu tablițada veriler bir örnek angısı gösterer türk dillerinde cümle strukturası hep aynı kaldı:

Diller Cümle strukturası
Gagauzça Uşaklar şkolada dilimizi latin alfavitindä yazêr.
Türkiyä türkçäsi Çocuklar okulda dilimizi latin alfabesi ile yazar.
Azerbaycanca Uşaqlar məktəbdə dilimizi latin əlifbası ilə yazır.
Türkmencä Çagalar mekdepde dilimizi latyn elipbiýi bile(n) ýazýar.
Uzbekçä Bolalar maktabda tilimizni latin alifbosi bilan / ila yozadi.
Uygurca Balilar mektepte tilimizni latin elipbesi bilen yazidu.
Kazahça Balalar mektepte tilimizdi latın älipbiyimen jazadı.
Kırgızca Baldar mektepte tilibizdi latin alfaviti menen cazat.
Tatarca Balalar mäktäpdä telebezne latin älifbası bilän / ilä yaza.

Türk dilleri aylesi[diiştir]

Türk dilleri aylesinä girer 40 farklı dil hem bu dillerdä laf eder 180 million insan ana dili olarak. Türk dilleri Altay dilleri aylesina en büük dil gruppası. Dünnädäki bütün dil ayleleri arasında edinci büük dil gruppası hem ilerdäki on yıllar içindä var nicä taa da büüsün.

Dünnädäki büük dil ayleleri[diiştir]

  1. İndo-Evropa dil aylesi
  2. Kitay-Tibet dil aylesi
  3. Niger-Kongo dil aylesi
  4. Afro-Aziya dil aylesi
  5. Avstroneziya dil aylesi
  6. Dravid dilleri aylesi
  7. Türk dilleri ailesi (Altay dilleri içindä)

Dış baalantılar[diiştir]