Mihail Kolsa
Mihail Kolsa (d. 1938) — gagauz pedagog, muzıka hem folklor araştırmacısı, kompozitor, Gagauz Milli Gimnasını muzakısının avtoru[1].
Hayatı
[diiştir | kaynağı değiştir]Mihail Kolsa 1938-ci yılda duudu Komratta[1].
.jpg)
Açan 11 yaşını doldurdu, aylesi represiya dalgalarınnan Kurgan oblastına kaldırıldı[2]; onun aylesini 1949-cu yılda Sibirä, Kurgan bölgesinä kaldırdılar. 1956-ci yılda aylesinnän döndülär geeri, Bucak topraklarına[2]; 1956-cı yılda Çaşa küüyündä o başardı şkolayı. Kolsa aylesi o yılda Moldovaya döndü[1].
18 yaşında onu askera - armataya aldılar[1]. Mihail Kolsa askerdän sora girer üürenmää Kişinev Ştefan Näga adına muzıka uçilişçesine, 1968-ci yılda başarêr teoretik bölümünä[2][1].
Mihail Kolsa 1968-ci yıldan beeri başladı gezmää gagauz küülerindä, yıllarlan yaşardı küülerdä, tanışardı gagauz muzıkacılarınnan, solistlerinnän. Aniki toplamaa hem aaraştırmaa gagauz folklor türkülerini, halk muzıkasını[2].
1971 yılında o başardı Kişinev Konservatoriyasını. 1977 yılında bitirdi Kişinövda G. Muzıçesku adına Devlet İncäzanaat institutunu[2]. 1983-cü yıladan Kişinevun “St.Neaga” muzıka uçilişçesindä muzıkayı üüreeti[1].
Muzıka derslerini verdi hem Tiraspol, hem Kişinöv muzıka uçilişçelerindä[2].
1980-ci yılda çıktı onun plastinkası 21 halk avasınnan hem 16 halk türküsünnän[2].
Mihail Kolsa 1982-ci yılda hem SSRB, hem Moldova Kompozitorlar Birliin azası oldu. 1991 yılında Moldova Filarmoniyasında “Kadınca” ansamblisindä işlemää başladı. 1993-1996 yıllarında ansamblinin başı oldu[1] – geçti çalışmaa gagauz halk oyun hem türkü ansamblisinä «Kаdınca» nicä önderci[2]. O zamannar kompozitor hep neetlenärdi, plannaardı Komratta ana-bobasının evindä açmaa gagauzların İncäzanaat muzıka muzeyini[2].
1997-ci yıldan 2010-cu yıladan Türkiyedä, Ankarada Gazi Universitetında muzıka bölümündä çalıştı[1].
Çok yıllar gagauz muzıka folklorunu topladı. 1980 yılında Moskvadakı «Мелодия» firmasında o çıkardı bir plastinka «Музыка гагаузов». Plastinkada yazılıydı hem 21 gagauz halk avası, hem 16 türkü. 2002 yılında artık CD diskla o genä çıkardı bu yaratmaları[1].
Mihail Kolsa kompozitor olarak pek çok muzıka yarattı. O, siyutalar, hem hor için türkülär, gagauz poetların peetlerinä türkü yazdı[1].
Hazırladı hem çıkardı 1989-cu yılda “Türkülär”, hem 1995-ci yılda “Türkülär. Korolar” kiyatlarını. Çok muzıka araştırma yazıları yazdı ve hem tiparladı[1].
Mihail Kolsa Taa Sovet vakıdında çok yıllar Gagauz Avtonomiyası için çalıştı. O, avtonomiyanın lääzımnıı işin annadardı genç gagauz yazıcılarına. Bunun üzerä da KGB tarafından baskı altında bulundu[1].
1990 yılında Gagauz Respublikasının kurulma günnerindä, Mihail Kolsa Gagauz Milli Gimnasının muzıkasını yazdı. Gimn 22 Orak 1990-cı yılda gagauz halkının Üstolan kongresindä kabledildi[1].