Komrat Pedagogika Kolleci

Vikipediya saydından

Komrat Pedagogika KolleciAvtonom Territorial Bölümlüü Gagauz Yerindäki en eski üüretim bölümlüknerindän biri.

“Mihail Çakir" adına Komrat Pedagogika Kolecının var derin istoriyası. Kolec 1991-ci yılın aprel ayın 24-dä alınan Moldova pravitelstvosunun No. 214 Kararınnan açıldı. Ama taa ileri da bu binalarda hep okul vardı. Eskidän bu binada SPTUydu, taa ileri da şkola-internattı. Kolec büük gagauz aydınnadıcısı hem din adamı Mihail Çakirin adını taşıyêr 1992 yılından.

Belli ki büünkü Kolecın temeli kuruldu 1868-ci yılda, açan Komratta, bu binada, 200 kursant için Merkez Üüsek okulu açıldı. Taa sora da, 1888-ci yılda, okula “Realnoe uçilişçe” adı verdilär. Bir şüpesiz var nicä urgulayalım, ani bu okulun var yüz yıllık bir istoriyası.

Pedkolecin ilk direktoru Marina Aleksandrovna Drangozdu. Büün direktor Mariya Dmitrievna Tanasoviç. Kolektivda çalışêr 22 insan angılarının arasında 15 üüredici var. Onbeş yılın içindä kolecı başardı 519 uşak. Üürenerlär uşaklar üç zanaat: ilk okulda üüredici, uşak başçalarında terbiedici, okullarda hem uşakbaşçalarında muzıka terbiedicisi.