Kırbaalı

Vikipediya saydından
(Karbalı sayfasınnan yönnendirildi)
Kırbaalı
Devlet: Moldova
Başkan:
Kurulmuş:
Baş kasaba: Valkaneş
Ofiţial dil: Gagauz dili
Toprak:
Insan: 585 (1989)
Poşta kodu: MD-5355
Telefon kodu: +373 293 *****
Üüseklik: 44 m
Vakıt: EET (UTC+2)
Haraba kodu: GE ** ***
Web: [www.gagauzia.md]

Kırbaalı (Moldovan dili: Carbalia, Rus dili: Карболия) — Avtonom Territorial Bölümlüü Gagauz Yerindä, Valkaneş dolayında küü.

Kırbaalı küüyü bulunêr Gagauziyanın üülen-batı tarafında, bir kenarda. Gagauziyanın kartasına bakarsanız Karbalı sadä bir incecik yollan, sansın bir incecik damarlan, baalı Gagauziyaylan. Ama bu damar verer kolayını karbalıların ürekleri bütün Gagauziyanın üräännän bir düülsün, bir takım atışları yapsın.

Küüyün primarı Konstantin Gaydarcı. Büünkü gündä küüdä sayıda var 533 kişi. Belli ki onnar hepsi küüdä yaşamêêrlar. Sovet vakıtlarında burada sovhoz-zavod varmış. Ozaman küülülerä hepsinä erindä iş vardı. Şindi çoyu onnarın aşırıda kazançta bulunêrlar. Küüdä kalanar da evlerini, kuşlarını hem hayvannarını bakmaa savaşêrlar.

Küüyün var kendi şkolası.

Küüyün geçmişi[diiştir | kaynağı değiştir]

Karbalı küüyü kurulmuş 1806-cı yılda. Eski zamannardan beeri küü çeşitli adlar taşımış: Karpaul, Kırbaoglu, Kurbaul, Kırbalı, Karbaliya, Karboliya. Sayılêr, ani Karpaul küüyü kuruldu Korboliya küüyündän gelennerdän.

1817-ci yılda Karpaul küüyündä varmış 51 aul hem iki el dermeni. Bundan kaarä küüdä 2700 ektar toprak ta varmış.

1861-ci yılın sayısına görä Karbaliya küüyündä 33 aulda 163 kişi yaşarmış. Varmış şkola, 2100 pay toprak, 300 büük baş hayvan, 160 beygir, 2060 koyun hem 11 el dermeni.

1930-cu yılda Karbalıda 746 insan yaşarmış: 558 gagauz, 88 bulgar, 69 rumın, 22 rus, 7 grek, 1 nemţä, 1 poläk.

1957-ci yılda Karbalı küüyün dolayanında yapılan kazılarda bir küp gümüş para bulundu. Sayılêr, ani bu paraların gömülmesi olmuş 1570-1585 yıllarında. Karbalı gümüş paraların 24-dü büünkü gündä Moldova Respublikasının çeşitli muzeylerindä bulunêrlar.

Anılmış insannarı[diiştir | kaynağı değiştir]

  • Türkologiya bilgilerindä doktorun Gavril Arkadieviç Gaydarcı


Gagauz Yeri

Valkaneş dolayı

kasabalar: Valkaneş
küüler: Çöşmäküü • Eni Tülüküü • Karbalı • Tülüküü

Bu küü yazmaası bir denemeedir. Sende yazıya eklemeeye başlersen.