Stuyane oolum stuyane

• Stuyane oolum stuyane

• Vereyim sana bir akıl

• Vereyim sana bir akıl,

• Bir akıl bir temel akıl

• Kesäsin stuyan, Radayı

• O sana uşak bakmıycek,

• O sana ev çevirmeycek

• Stuyan da sesleyen mamusunu,

• Stuyan da dışarı çıkayor

• Rada da içeri geliyor

• Rada da deyor stuyana

• Aferim mamunun lafına

• Ne ülää üürediyor seni

• Ani sän kesäsin beni

• Stuyan da deyor Radaya

• Bakma sän onun lafına

• Al okayı da git maazaya

• Akıt bir oka şarap dey

• Rada da aler okayı

• Rada da gider maazaya

• Rada da şarap hakıtmeer

• Rada da yaşlarnı hakıdıyor

• Stuyan da gider maazaya

• Stuyan da keser Radayı

• Radanın da kafası lafediyor

• Stuyan evim, stuyan, deer.

• Bana canın hacımayor,

• Köçücük Vanço da lülkeda

• Vançuyu da kim yıkaycek?

• Vançuyu da kim doyuracek

• Vançuyu da kim sallaycek?

• Rodolö, eşim Rodolö,

• Sän düşünmä küçücük Vançuyu

• Yayan yaamurlar yıkaycek

• Uçan kuşlarda doyurucek

• Esän lüzgerlär sallıycek,

• Ama yazık senin gençliynä

• Ani bän sesledim mamuyu

• Stuyan da geler içeri

• Stuyan da deyor mamusuna

• Mali ma, male hanacıyım

• Bakasın benim uşaklarmı,

• Çeviräsin benim evimi

• Bän sana uşak bakmıycam,

• Bän sana ev çevirmeycäm

• Stuyan da deer mamusuna

• Male ma, male hanacıyım,

• Ani bir hana haalıycek,

• Taa islää iki haalasın

• Stuyan da keser kendini

• Stuyan da başıyer kendini

Kullanılmış Kiyatlar

• Gagauz Halk Türküleri

• Moldova Respublikasının Bilim Akademiyası Milletlärarası Aaraştırmalar İnstitudu

• Lüba Çimpoeş

• Sayfa 23-24

• Pontos

• Chişinau

• 2001