Süleyman Demirel

Vikipediya saydından
Süleyman Demirel, 1998

Süleyman Demirel (Türk: Sami Süleyman Gündoğdu Demirel[1]; 1 Kasım ay 1924, Isparta, Türkiye - 17 Kirez ay 2015, Ankara, Türkiye) — Türkiye politika adamı. Türkiyenin 9-cu prezidentı; 5 kerä Türkiye premeyr-ministru.[2]

Türkiyenin Isparta kasabasında 1924-cü yılda duudu.

Politikada[diiştir | kaynağı değiştir]

Süleyman Demirel 40 yıldan zeedä politikadaydı.[2]

5 kerä Türkiye premeyr-ministru (1965-1971, 1975-1997, 1977-1978, 1979-1980, 1991-1993) oldu.[2]

Azerbaycan pulu, 2013

1993-2000 yıllarda Türkiyenin 9-cu Prezidentı oldu.[2]

Süleyman Demirel Kirez ayın 17-dä, gecä saat 02:05-tä Ankarada raametli oldu.[2]

Gagauziyada[diiştir | kaynağı değiştir]

Suleyman Demirel, Moldovanın hem Gagauziyanın da büük dostu, çünkü Gagauzlar için önemni 90-cı yıllarda çetin adımnar attı.[3]

Süleyman Demirel 1994-cü yılda Moldovaya ofiţial vizit yaptı. O vizitın çerçevesindä ofiţial vizitlan Komrata da geldi. O vizittä Gagauziyalan tanıştı, onu bu marşrutta gezip: Komrat-Ferapontievka-Tomay-Çadır-Baurçu-Kongaz-Başküüyü-Komrat. Taa sora da, artık prezident olmadıynan, Süleyman Demirel taa birkaç kerä Gagauziyaya geldi.[2]

Süleyman Demirel çok çalıştı, ani gagauzlar avtonomiya kazansınnar. Sora da, Canabisinin kanadı altında, büük yardımnar Gagauziyaya gelmää başladılar. O yardımnarın arasında en büükleri oldular su proektları hem Komrat Devlet Universitetina yardımnar.[2]

Süleyman Demirel Gagauziyayı hem gagauzları hiç yalnız brakmadı. Gagauziyanın 10-cu hem 15-ci yıldönümündä geldi. Kendi Ankaradakı evindä herkerä Gagauziyadan delegaţiyaları kabledärdi, Gagauziyanın problemalarını incelärdi hem o problemaları çözmäk için, son soluunadan, zaametlerini koydu.[2]

1999-cu yılda Türkiye tarafından Kongazda “Süleyman DEMİREL” liţeyi açıldı.[4]

Ödülleri[diiştir | kaynağı değiştir]

  • “Gagauzyanın Şannı Vatandaşı”[5]

Resimläri[diiştir | kaynağı değiştir]

Hem bak[diiştir | kaynağı değiştir]

Kullanılmış kiyatlar[diiştir | kaynağı değiştir]

  1. New York Times'tan Demirel'le ilgili ilginç detay. cnnturk.com
  2. 2,0 2,1 2,2 2,3 2,4 2,5 2,6 2,7 Süleyman DEMİREL raametli oldu. anasozu.com, 17.06.2015
  3. 90-cı YILDÖNÜMÜNÜ TAMAMNADI TC DOKUZUNCU CUMHURBAŞKANI - SULEYMAN DEMİREL. meydangazetasi.com, 06.11.2014
  4. Kongaz “S. DEMİREL” liţeyi 15 yaşında. anasozu.com, 19.11.2014
  5. Moldovanın prezidenti Nikolae TİMOFTİ Prf.Dr.İrfan Ünver NASRATTINOGLUya Moldova Devlet medalisini verdi. meydangazetasi.com, 26.11.2013

Dış baalantılar[diiştir | kaynağı değiştir]

Wikimedia Commons'ta var Süleyman Demirel ilgili belgeler.