Kukuk

Vikipediya saydından

Kukuk

  • (fabula)
  • Sokakta kalkmış baarış,
  • Kim sa bir yuva yapmış
  • Uz yolun ortasında
  • Sormadan hiç birinä.


  • Kim sanki bunu yaptı,-
  • Neresinnän düşündü
  • Yuvayı yolda kurdu.


  • O taa büük hem taa şiret
  • Onda var taa çok kuvet.


  • Bu işlär hiç yok, olmaz
  • Kelebek bunu yapmaz
  • Yapmêêr kelebek yuva,-
  • Demiş akıllı kurbaa.


  • Yuvacık yapêr kuşlar,
  • Yuva yapmêêrlar mallar,
  • Yuva yapmêêr kelebek
  • Hem da sän tatlı sinek.


  • Angı kuş sanki yapmış
  • Akıldan mı alınmış
  • O ne hiç düşünmemiş
  • Yol üstündä yapınmış?


  • Bu kuşu lääzım bulmaa
  • Yuvayı burdan almaa
  • Diil lääzım dursun yolda
  • O lääzım dursun dalda.


  • Bu vakıt gelmiş yılan:
  • İşittiydim bir yalan,
  • Kimsä bir yuva yapmış
  • Hiç yola da bakmamış?


  • Ne düşündünüz yapmaa
  • Lääzımlı onu bulmaa
  • Naşey sanki yapacez
  • Neredä onu bulacez?


  • Sinek deer: “Uçacam gökä
  • Aaraycam onu orda.
  • Hep bişey işidecäm
  • Kuşlara soruşturcam.


  • Bän da gidecäm gölä,-
  • Deer ondan sora kurbaa.
  • Üzecäm göldän-gölä
  • Kimsey hep bilmäk görä.


  • Daalışmış mallar,kuşlar,
  • Sineklär, kelebeklär,
  • Hepsi gittmiş aarama
  • Kabaatlı kuşu bulmaa.


  • Hepsi daalışmış gittmiş
  • Sade bir kukuk kalmış.
  • Da demiş: “Ko gittsinnär
  • Ko beni aarasınnar.”


  • Bir da ona trıklamış
  • Da kendisinä demiş:
  • Ya bän yokkan biricii
  • Taşıyım bu yuvacıı.
  • Çekeder o taşımaa,
  • Yuvayı yoldan almaa.
  • Dal-daldan yuva bitter,
  • Başka erä geçirer.


  • Bunu biricii bilmäz
  • Ama bunu görmüş kaz
  • Da barmış:- “Buldum-buldum
  • Bän bu hırsızı tutum.


  • Bu kukuk yaptı bunu,
  • Tutun üüretçiiz onu,
  • Nice yolda yapınmaa,
  • Nice bizi aldatmaa.


  • Hepsi bunu işidip,
  • Ortaya onu alıp,
  • Çekederlär düşünmää
  • Nesoy onu üüretmää.


  • Hade düveciiz onu
  • Göstereciiz kanonu.
  • Sora koolayalım küüdän
  • Taa uzak bu meradan.


  • Kukuk işidip bunu
  • Bu erdä görer sonu
  • Kalkınıp uçêr, kaçer
  • Cezalardan kurtulêr.


  • Kukuklar bundan sora
  • Yapmêrlar yuva başka
  • Olmasın küüdä çekiş
  • Buydur kukukta çıkış.


yazıcı Mihail Kürkçü


Hem bak[diiştir | kaynağı değiştir]