Gagauziya sansın bir ekilmedik tarla

Behzat bey Gagauziyaya hoş geldiniz.
Hoş bulduk.
Kendinizä deyni burada bişey eni gördünüz mü?
Kendimi sansın Ana Vatanımda duyêrım. Hep o insannar, hep o dil. Bilärdim ani yakınız. Ama bukadar!!!
Canabinizin hergünkü çalışması: dış alış-verişi. Gagauziyayı bu konuda nasıl?
Gagauziya sansın bir ekilmedik tarla. Burada türk işadamnarı için sonsuz bir perspektiva var. Sizdä geneldä çiftçi bölgesi. Türkiyedä bu uurda geniş industriya var. Sanêrım ilk êtapta bu yolda en büük işbirlii olabilir.
Gözäl düşüncä. Ama herbir iştä yardımcı lääzım.
Annadıym kadar bendän bunu bekleersiniz. Buyurun. Gagauziya hem Türkiyenin Edirnä kasabasının arasında işbirlii baalantıları kurmakta elimdän gelir yardımı yapmaa hazırım. Bunu Gagauziya Halk Topluşu Başkanına sayın Stepan ESİRä da söledim. Eter ki sizdän tekliflär olsun.

Patretlerdä: Behzat ERTEN (solda) hem GHT Başı Stepan ESİR.