İsus hristozu gerdilär

Vikipediya saydından

İsus hristozu gerdilär


  • İsus Hristosu
  • Çıfıtlar tuttular.
  • Elinä, ayaana
  • Mıhlar kaktılar.


  • Çalıdan feneţ
  • Başına koydular.
  • Mariya Panaiya
  • Ne pek aalardı.


  • Bir gözündän da
  • Yaşı akardı,
  • Bir gözündän da
  • Kannar damnardı.


  • Aalama, Mariya,
  • Aalama, anêycıım.
  • Göktän Bobadan
  • Bunnar yazılılar.


  • Cendemi açıyım,
  • Cannarı kurtarıyım.
  • A cendem yolu
  • Ne da pek geniş.


  • Ordan da girer
  • Günahlı cannar.
  • Ordan da girer
  • O prost yapannar.


  • Ordan işidiler
  • Ne çirkin seslär,
  • Ordan da geler
  • Ne pis kokular.


  • Aşura yolu
  • Ne da incecik.
  • Ordan da gider
  • Günahsız olannar.


  • Ordan işidiler
  • Ne gözäl Türkülär.
  • Orda da çalêr
  • Ayoz angillär.


  • Ordan da geler
  • Ne gözäl kokular.
  • Orda da yanêr
  • Sünmäz kandillär.
  • Türkücü – Kaleci F. (k. Beşgöz)