Panaiya nası geldi erä

Vikipediya saydından
Gezinti kısmına atla Arama kısmına atla

Panaiya nası geldi erä


  • Bizim anamız indi
  • Erin topraanda gezdi.
  • Bän nekaa gezdim-gezdim,
  • Kendimä er bulmadım.


  • Aldım başımı, gittim,
  • Koyunnar içinä girdim }2
  • Koyunnar hepsi baardı.
  • Çobannar açan gördülär,


  • Beni taşlan kooladılar }2
  • Köpeklerä buudurdular.
  • Aldım başımı, gittim,
  • Sırtmaçlara etiştim.


  • Sırtmaçlara açan gördülär,
  • Onnar bendän kaçtılar.
  • Aldım başımı, gittim,
  • Küü içinä bän girdim.


  • Kimse beni görmedi,
  • Kimse beni tanımadı,
  • Kimse beni doyurmadı,
  • Kimse beni sulamadı.


  • Kaba döşek görmedim,
  • Kaba yastaa yatmadım.
  • Aldım başımı, çıktım,
  • Kırın bayırına.


  • Salkım altında oturdum,
  • Salkım yapraa idim }2
  • Bän karnımı doyurdum.
  • Göktän bulutlar indi,


  • Bän onnardan su iştim.
  • Çimennär döşek oldu,
  • Bulutlar beni örttü.
  • Ey, Boba, Boba, – dedim, –


  • Bulsana bana bir er,
  • Bän dizçä dura-dura
  • Dizlerim yara oldu.


  • Mariya kızım, – dedi, –
  • Bän sana bir er buldum,
  • Taşlık küülärnä giräsin
  • Orada diz çökäsin.


  • Kızkardaşlar gelecek
  • Kolcaazından tutasın }2
  • Braznaya da gidäsin,
  • Üç sıra papşoy sayasın,


  • Arasında diz çökäsin.
  • Çok kardaşlar gelicek
  • Hepsinä nasaat edäsin }2
  • Hepsinä cuvap veräsin,


  • Ne bän sana sımarlıcam.
  • Mariya kızım, – dedi, –
  • Seni büük zeetlerä vericeklär,
  • Ama hiç korkma,


  • Bän seninnän bilä olucam,
  • Nerdä sän düşücän,
  • Bän seni kaldırcam,
  • Nerdä sän acıkçan,


  • Bän seni doyurcam,
  • Nerdä sän susuycan,
  • Bän seni sulaycam.



  • Türkücü – Kasım E. (Çadır).