Moldovada proektlar devam edecek

Vikipediya saydından
Git hem: kullan, ara

Moldovada proektlar devam edecek

Türk kultura Merkezinin açılışından sora, biz teklif ettik TİKA Başkanı Hakan Fidan birkaç soruşumuza cuvap versin. Canabisi büük havezlän kayıl oldu. Hakan bey, Gagauziyaya, Moldovaya hoş geldiniz. Hoş bulduk.

Memleketimizi beendiniz mi? Burasını çok gözäl buldum. Moldovada olmaktan çok memnunum, özelliklän gagauz kardaşlarımızın arasında. Moldovalı insannar gülär üzlü hem cana yakın. Moldovanın toprakları da pek gözäl.

TİKA Moldovada hem Gagauziyada çok proektlar yaptı. Gelecektä başka bişeylär yapmaa düşünersiniz mi?TİKA Moldovada çok aktiv. Hem teknik, hem soşial hem kultura yardımnarı yapêrız. En büük, en önemli projemiz – Gagauziyeya su yardımı. Bir şüpesiz - Moldovada proektlar devam edecek.

Bilersiniz Valkaneştä ihtärlar evi yapêrız. Bu türlü projelär taa yapmak düşüneriz. Başladacez saalık projelerindän dä.İşlerimiz büüdüü için, buradakı personalımızı zeedeletmää düşüneriz, ofisimizi da taa büük bir, taa bir geniş erä taşımaa düşüneriz. Saalık proektları için taa detalli annadabilirsiniz mi?

Bilersiniz diil çoktan burayı Türkiyedän bir saalık ekibi geldi, ön tarama hem hazırlık çalışmasında bulundular. Onnar şindi raporları hazırlêêrlar. O raporlara görä projelerimizi başladacez.

Gagauzlara bişey sölemää isteersiniz mi? Gagauzların asirlerdä kendilerini kaybetmemää deyni çalışmalarını büük bir saygıylan karşılêêrım. Onnar güçlü bir Türkiyenin varlıı. Bizim kalbimiz, aklımız burada, sizinnän.