Mihail Formuzal zorbalaa karşıdır

Vikipediya saydından
Git hem: kullan, ara

Mihail Formuzal zorbalaa karşıdır

Bitki vakıtlar Gagauziya Halk Topluşu (GHT) deputatları arasında laf gider, ani Gagauziya Başkanını seçmäk için Kanonu diiştirmää lääzım. Büünkü günädän Başkanı Gagauziyanın halkı seçärdi. Şindi GHT deputatları bu “ükü” kendi üstlerinä almaa isteerlär.

Bu konuylan ilgili “İNFOTAG” haber agenstvosunda yapılan pres-konferenţiyada Çadır kasabasının primarı Mihail FORMUZAL açıkladı, ani Ceviz ayın 18-dä Valkaneş kasabalıların toplantısı oldu.

O dedi, ani “toplantıya katılannar bildirdilär, ki Gagauziyada kuvettä bulunannarı inanmêêrlar. İnsannar danıştılar GHT deputatlarına, ani Gagauziya Başkanını seçmäk için Gagauziya (Gagauz Yeri) Kanonunu diiştirmesinnär”.

Canabisinin açıklamasına görä, toplantıya katılan valkaneşlilerin kimilerinin evlerini polişiya bastı.

M. FORMUZAL dedi: “Gagauziya öndercileri düşünerlär sade onu ni-cä enidän kuvettä kalmaa...

2006-cı yılın Kasım ayında büün-kü Başkanın Georgiy TABUNŞÇİKin kuvettä bıulınmasının vakıdı biter...

Kanonun diiştirilmesi – bu bir politik adımı. Bu iş sonunda ortalıı karıştıracek...

GHT deputatları gene dä Kanonu diiştirmää istärselär, Konstituţiya hem seçim Kanonuna görä, lääzım olacek referendum yapsınnar. Konu Konstituţiya Sudunda incelemektän sora, lääzım olacek altı ay geçsin. Sade bundan sora Karar alınêr”.

Mihail FORMUZALın açıklamasına görä “büünkü gündä Kanonun diiştirilmesi için GHT deputatların sade 10% kayıllık verdi. Umut kalêr, ani kalanı zorbalıkta pay almayaceklar”.