Lapotilerä bıktık

Vikipediya saydından
Git hem: kullan, ara

Lapotilerä bıktık


Bitki vakıtlar bizim insannara üstünä her taraftan yalan selleri akêr. Birisi söleer, ani bizä islää yaşamak kurmuş; ikincisi baarêr, ani ilkinkisinnän sık buluşarmış, üçüncüsü öter, ani birinciylän ikinciyä üçüncü olmuş; dördüncüsü söleer, ani arhivleri sökmüş; beçincisi baarêr, ani gagauz dilindä şkola açaceymış; altıncısı – bizi moldovanca (romınca) üüredeceymiş; edincisi..., sekizincisi..., dokuzuncusu.... – bu “lapotilerin” yalannarını sonsuzlaadan var nicä yazmaa...

İnsan sa, zavalı, bu yalan sellerinä dayanmaa deyni, kendini kurtarmak için, işinä bakêr: baaları keser, fidannarı budêr, arpacık hem sarmısak dişlerini eker, başçaları hazırlêêr, aullarını hem içerlerini tertipleer, pasekelleyä hazırlanêr. Avşam olduynan da yorgunnuktan cingiler.

İnsanın yok vakıdı bu yalan sellerini seslemää. İnsan temel taşlarını erinä koyêr. Yalan sellerlän gidecek – taşlar sa kalacek. Lapotilär da o sellärlän bilä cendem olaceklar.

Not. “LAPOTİ” lafın maanası - bireri toplayın “sündük”, “dangalak”, “miskin”, “haseet”, “kinni”, “yalancı”, “maanacı” laflarını... da bu olacek “LAPOTİ” lafının maanası.

Kalın saalıcaklan. Allaa sizi lapotilerdän korusun.



Todur Zanet