Şkola
Şkola, üüretim verilän kurum hem bu işlerin yapıldıı üüretmäk kurumu hem öbür erlerdir. Başlama şkolası, orta şkola, lițey hem universitet (genelliklän 4, ama 2 yaki 6 yıl da olabilir) hepsi barabar 16 yıldır. Üüredicilerin önderliindä, üürenicilerin üürenmesi için üürenmäk eri hem ortamı saaler. "Şkola" lafı, uşakların hem genclärin gittii üüretim kurumlarınnan barabar, salt bir uurda üüretim verän kurumlar hem bazı üüsek üüretim kurumları için da kullanıler: zanaat şkolası, sport şkolası, muzika şkolası, dil şkolası, dans şkolası, jurnalcilik şkolası, zanaat üüsek şkolası (tehnikum) gibi. Herhangi bir şkolada üürenän kişilärä üürenici deerlär. Üürenicilär için şkola forması modelleri vardır.
Şkolada üüretim verän kişiyä üüredici deerlär. İlk hem orta şkolalarda şkolanın başçılıından şkola direktoru hem direktor yardımcıları juvaplıdır. Bundan kaarä şkolada izmetçilär hem memurlar buluner, onnar da temizlik hem idare işlerinnän uuraşerlar. Şkola saalıı hem iymäk-içmäk izmetleri, şkola korunması (güvenlii), şkola disțiplinası hem şkolada zorbaalık her zaman incä konulardan birisidir. Çoyu devlettä üürenici taşıma izmetleri buluner.